এই পৃষ্ঠাটোৰ বৈধকৰণ হৈছে
২৫৪
সটীক নামঘোষা
ধন্নাম সংকীৰ্তনতো নিশাচৰা দ্ৰৱন্তি ভূতান্যপষান্তি চাৰয়ঃ।
নাশং তথা সম্প্ৰতি ষান্ত্যসত্যং ধৰ্ম্মাদি সত্যং ভৱতীহ বিষ্ণু।
(৩৪১-৩৪৩)
[ ৩৪১ ]
ৰাম নাম মহা প্ৰমত্ত সিংহৰ
ধ্বনি শুনি ৰিণি ৰিণি।
পাপময় যত মাতঙ্গ পলায়
মিলিল হেৰা বিঘিনি॥
প্ৰমত্ত— বলী।
মাতঙ্গ— হাতী।
হেৰা— এই৷
যিদৰে হাতীয়ে বৰ সিংহৰ গোজৰণি দূৰৰপৰা শুনি “এই বিপদ পালেহি” বুলি পলাই ফাট মাৰে, সেইদৰে ৰাম নামৰ উচ্চা- ৰণ শুনিলে পাপযুক্ত কামবোৰ ভয়ে ভয়ে আঁতৰি যায়; অৰ্থাৎ যি একান্ত মনে ৰাম নাম উচ্চাৰণ কৰে, তাক পাপে চুব নোৱাৰে।
[ ৩৪২ ]
ৰাম কৃষ্ণ নাম কীৰ্ত্তন বাড়ৱ
অগনিৰ শিখা লাগি।
অসুৰ ৰাক্ষস পাষণ্ড পিশাচ
পলাই দশদিশ ভাগি॥
