এই পৃষ্ঠাটোৰ বৈধকৰণ হৈছে
৩৭১
পুৰণি সঙ্গীত।
শান্তি বাৰমাহী।
৪০
ঘোষা।
কি ৰাধে কালে হৰি॥
পদ।
আঘোণ মাহতে শান্তি দ্বিতীয়াৰ জোন।
যোড়শ বছৰে শান্তি লভিলা যৌৱন॥
সতৰ বছৰে শান্তি বয়স দিলা ভাটি।
বুঢ়া হৈলা বৃদ্ধা হৈলা হাতে দিলা লাঠী॥ ১॥
পুহৰ মাহতে শান্তি আতি বৰ কুৱাঁ।
প্ৰাণনাথে জীৱনাথে খেলে পাশা জুৱা॥
পাশাখেলে জুৱা খেলে পাশাত নেদে ঢাল।
কৈক এৰি গৈলা প্ৰভু বিনন্দ গোপাল॥ ২॥
মাঘৰে মাহত শান্তি ধৰমৰ তিথি।
চিনানকে গৈলা শান্তি ভাগিনা সহিতি॥
আগ হাতে জল ফুল অগুৰু চন্দন।
জলত নুমিয়া শান্তি জুৰিলা ক্ৰন্দন ॥৩॥
