পৃষ্ঠা:সঙ্গীত-কোষ.djvu/৪০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
সঙ্গীত-কোষ।


ইমন ভূপালী একতালা।

আহাঁ আজি আহাঁ সৱে
   সোৱৰোঁ সুদিন হে।
ধম্মৰ তেজেৰে, জাতীয় প্ৰেমেৰে,
   হোৱাঁ অগ্ৰসৰ হে॥
পশ্চিম পুৰুবে উত্তৰ দক্ষিণে
   উঠিছে সকলো হে।
তোমাৰো টোপনি এৰিবৰ হল
   উঠাঁ একে চিপে হে॥
পূৰ্ব্বৰ গৌৰৱ মনত পেলোৱাঁ
   গোৱাঁ জয় গীত হে।
পুৰুষ প্ৰধান কবি শঙ্কৰৰ
   জননী অসম হে॥
মহা পুৰুষৰ সোঁৱৰণি লোৱা
   ভাই বন্ধু সৱে হে।
কৰা জয়ধ্বনি অসম কিৰীটি
   উঠক জিলিকি হে।