এই পৃষ্ঠাটোৰ বৈধকৰণ হৈছে
১২০
সঙ্গীত-কোষ।
তােমাৰে ভাবনা ভাবোঁ, অমিয়া তৃপিতি লভো,
প্ৰেমৰ কল্পনা সুখে সুখী হৃদযতে,
যদি বিয়াকুল প্রাণ খােজে তৱ সন্মিলন,
দেখা দিবাঁ ভাল পাবা, যাবা ক্ষন্তেকতে॥
দেবেশ্বৰ চলিহা।
⸻
৫৭
খাম্বাজ মিশ্র—খেমটা।
ভােমােৰা আহাঁ আহাঁ, মাতিছোঁ কৰি বিনয়।
ফুলনি শুৱনি কৰি, আগেয়ে ফুলিছোঁ মই॥
সুৱাগতে ঢুলি ঢুলি,
লয়লাসে আছোঁ ফুলি,
উপচি পৰিছে মধু, পিয়া যত মনে লয়॥
মালতী খেহেটা মুখী,
নেজানে পীৰিতি ৰীতি,
নেযাবা মালতী গছে, সাদৰে মাতিছোঁ মই॥
সত্যনাথ বৰা, বি, এল।
⸻
