এই পৃষ্ঠাটোৰ বৈধকৰণ হৈছে
( ১৪ )
ইন্দ্ৰে আসি নৃপতিক নিলন্ত সাদৰি।
দশৰথো স্বৰ্গক গৈলন্ত ধনু ধৰি॥৬৪
গন্ধৰ্ব্ব বাণক ৰাজা কৰিয়া প্ৰহাৰ।
অনেক দিবসে দৈত্য কৰিলা সংহাৰ॥
নিদ্ৰা-ভোগ তেজি ৰাজা ৰাখিলা দেৱক।
পাছে কতো দিন দুঃখে আসিলা ৰাজ্যক॥৬৫
দুখে মুখ ম্লান সবে শ্ৰীহানি ভৈলা।
দেখিয়া কৈকেয়ী সেৱা কৰিবাক লৈলা॥
শ্ৰীৰাম চৰিত্ৰ শুনিয়োক সৰ্ব্বলোক।
অনন্তে বোলয় ৰাম ৰাম ঘুষিয়োক॥৬৬
ঘোষা। প্ৰণামোঁ ৰাঘৱ ৰঘুনন্দন।
তোমাৰ চৰণে লৈলোঁ শৰণ।
পদ।
কৈকেয়ীৰ সেৱা বলে আতিশয়।
সন্তোষ হুয়া দশৰথ ৰায়॥
বুলিবে লাগিলা কৈকেয়ীক মাতি।
সৱাতে শ্ৰেষ্ঠা তুমি প্ৰিয়া আতি॥৬৭
এতেকে তোমাৰ মনৰ কাম।
পূৰিবো বৰ লয়ো অভিৰাম॥
