এই পৃষ্ঠাটোৰ মুদ্ৰণ সংশোধন কৰা হৈছে
( ১৪০ )
লক্ষ্মণে বা কি বোলন্ত কই হনুমান।
ইটো শোক দুখক কৰিবা পৰিত্ৰাণ॥৬১১
কিমতে ধৰিবো জীৱ স্বামী বিনে আৰ।
কতো বোলে প্ৰাণ তেজো কি কাৰ্য্য জীৱাৰ॥
হেন শুনি হনুমন্তে বুলিলা বিনাই।
সত্যে সত্যে সবে মোক দিয়াছে পঠায়॥৬১২
তোমাক নিবন্ত দুষ্ট ৰাৱণক মাৰি।
অঙ্গীকাৰ কৰি আছে ৰাঘৱ মুৰাৰি॥
এহি বুলি কিছু শান্ত কৰিল সীতাক।
বোলন্ত যি কিছু আছে দিয়োক আমাক॥৬১৩
কণমউ কল বাপু আছে কত গুটি।
এহি বুলি তেখনে আনিয়া দিলা উঠি॥
শুনা সভাসদ কৰা পৰলোক কাম।
শুনা সৰ্ব্বক্ষণে শ্ৰীৰামৰ গুণ-নাম॥
তেবেসে হৈবেক সব দুখ উপসম।
মূৰুখ অনন্তে কহে বোলা ৰাম ৰাম। ৬১৪।
