এই পৃষ্ঠাটোৰ মুদ্ৰণ সংশোধন কৰা হৈছে
১২৪
৺শঙ্কৰদেৱ।
গণক পাৰাত ঘৰ সজাইলন্ত
কতোদিন বঞ্চি তাত।
কুমাৰ পাৰাত ঘৰ সজাইলন্ত
মিলিল দুখ মনত॥ ৪৯৮
তাহাৰ দক্ষিণে ঘৰ সজাইলন্ত
মনত আতি হৰিষে।
পানট বাঁউসি নামত প্ৰসিদ্ধ
সৰ্ব্বজনে যাক ঘোষে॥
আপুনাৰ ঘৰ দক্ষিণ সমীপে
কৰিলা ঘৰ নিৰ্ম্মাণ।
ৰাম ৰাম গুৰু তথা ৰহিলন্ত
দুইৰো যেন এক প্ৰাণ॥ ৪৯৯
শঙ্কৰদেৱৰ জ্যেষ্ঠ পুত্ৰ তান
থৈলা ৰামানন্দ নাম।
মধ্যম কমল লোচন সুন্দৰ
গুণে আতি অনুপাম॥
পৰম স্নেহত কনিষ্ঠৰ নাম
থৈলন্ত হৰি চৰণ।
দুহিতাৰ নাম থৈলন্ত ৰুক্মিণী
পৰম আতি শোভন॥ ৫০০
