পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/৬৩

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

তৃতীয় অধ্যায়

কৰ্ম্ম যোগ

পদ

অৰ্জ্জুনে মগন ভৈল শোকপঙ্কে পৰি।
স্বভক্তক সাংখ্যযোগে নিস্তাৰিল হৰি॥
হেনয় কৃষ্ণৰ পদে কৰো প্ৰণিপাত।
কৰ্ম্মযোগ কহিবোহো তৃতীয় অধ্যাত॥১৭৬
অৰ্জ্জুনে বোলন্ত শুনিয়োক মহাভাগ।
জ্ঞানৰ প্ৰশংসা কৰি কহিলাহা আগ॥
আছোক বিস্তৰ কাল মৰণ সময়।
ব্ৰহ্মক স্মৰিয়া মৰি ব্ৰহ্মপদ পায়॥১৭৭
পাছে আৰো কৰ্ম্ম কৰিবাক পাৱে পুন।
তোমাৰ বাক্যক বুজিবাক পাৰে কোন॥
যুক্ত হিংসাত্মক কৰ্ম্ম ঘোৰ অনিৰ্ব্বাৰ।
তাত কেনে মোক প্ৰৱৰ্ত্তাৱা বাৰম্বাৰ॥১৭৮
বোলা ক্ষত্ৰিয়ৰ ধৰ্ম যুদ্ধেসে প্ৰধান।
কৰ্ম্ম নকৰিলে আগে নোপজয় জ্ঞান॥
তবু দুই বিধ বাক্যে ভ্ৰমে মোৰ মন।
জ্ঞান কৰ্ম্ম কোন শ্ৰেষ্ঠ কহা জনাৰ্দ্দন॥১৭৯