এই পৃষ্ঠাটোৰ বৈধকৰণ হৈছে
৯
শ্ৰীমদ্ভগৱদ্গীতা
সাক্ষাতে ব্ৰহ্মৰ বস্ত্ৰে ধৰিলেক
তাঙ্ক দিলা আলিঙ্গন॥ ২১
জাতিত চণ্ডাল স্পৰ্শযোগ্য নয়
যাক বোলে সৰ্ব্ব নৰে।
ভক্তিত বিক্ৰয় গৈয়া দয়াময়
হৰি থাকে তাৰ ঘৰে॥
বনবাসে আছে ৰাজা যুধিষ্ঠিৰ
ৰাজ্য এৰি দুখ পায়।
অযুতেক শিষ্য সহিতে দুৰ্ব্বাসা
ভিক্ষা মাগিলন্ত যায়॥ ২২
তোক অন্ন দিবো মোৰ কিনো ভাগ্য
স্নান কৰা ঋষিগণ।
দ্ৰৌপদাক বোলে দুৰ্ব্বাসা আসিল
শীঘ্ৰে সাজ কৰা অন্ন॥
দ্ৰৌপদী বোলয় মাগি আনা চাউল
আগে ৰান্ধি-বাঢ়ি খাইলো।
যিবা অগ্নিদত্ত খালীগোট আছে
ধুই-পখালিয়া থৈলো॥ ২৩
থালী নুধুইলে মই নুভুজিলে
লক্ষকে ভুঞ্জাইতে পাৰো।
সড়ৰস অন্ন যতেক লাগয়
ততেক দিবাক পাৰো॥
