এই পৃষ্ঠাটোৰ বৈধকৰণ হৈছে
৫
শ্ৰীমদ্ভগৱদ্গীতা
কৃষ্ণৰ চৰণ সংসাৰ তৰণ
ইটো কোন প্ৰায়শ্চিত্ত॥ ১০
ইটো অধৰ্ম্মক নামক নলাগে
খণ্ডাইবো সংযম দ্বাৰে।
শৃগালক লাগি সিংহক নলাগে
কুকুৰে খেদাইতে পাৰে॥
অপাৰ সংসাৰ সুখে হোৱে পাৰ
যিটো স্মৰে ৰাম বাণী॥
কাকক লাগিয়া সুৱৰ্ণৰ কাণ্ড
যেন নকৰয় হানি॥ ১১
ঈশ্বৰৰ নাম কেহো নোহে সম
কেৱলে মোক্ষৰ হেতু।
স্মৰণ মাত্ৰকে দহে নিৰন্তৰে
পাতকৰ ধূমকেতু॥
গীতাত আছয় সৰ্ব্বশাস্ত্ৰ অৰ্থ
লৈবাহা বিচাৰি চাই।
গীতা-সমুদ্ৰত সান্থোৰ মেলিলো
গুৰু কৃপা অল্প পাই॥ ১২
যতী ব্ৰহ্মাচাৰী গৃহী বানপ্ৰস্থ
চাৰিৰো আশ্ৰম ধৰ্ম্ম।
চাৰিৰো লক্ষণ আচাৰ কহিবা
যাৰ যেনমতে কৰ্ম্ম।
