এই পৃষ্ঠাটোৰ বৈধকৰণ হৈছে
৯৩
শ্ৰীমদ্ভগৱদ্গীতা
অল্প দিনে থাকে মাত্ৰ, গুচে তেতিক্ষণে।
হেন জানি তাত নৰময় সাধু জনে॥৩৫৮
ব্ৰহ্মত ৰময় যোগী তাতে দিয়া চিত্ত।
যিটো সুখ পায়ে ব্ৰহ্মানন্দ অখণ্ডিত॥
কিন্তু কাম ক্ৰোধ আছে দুইগোটা বৈৰী।
যাৱে মুক্ত নহে তাৱে লৈবে ভাল কৰি॥৩৫৯
যেন মৃত শৱক যে বেঢ়িয়া কান্দয়।
যুৱতীসকলে তাক ধৰি আলিঙ্গয়॥
শৱৰ ইন্দ্ৰিয়ে যেন চেষ্টা নকৰয়।
জ্ঞানীৰ জীৱন্তে জানা হৈব সেহি নয়॥৩৬০
সেহি মুক্ত যোগী সখি জানিবা সাক্ষাত।
আছে কাম ক্ৰোধ তাত বেগ নোহে জাত॥
বুলিবাহা কাম ক্ৰোধ ত্যজি গতি পায়।
কিন্তু তাত হেনমত আছে অভিপ্ৰায়॥৩৬১
আগত কৰয় নটে নটী নৃত্য গীত।
দেখিয়া নেদেখে তাক নকৰয় চিত্ত॥
কেৱলে ৰময় যিটো আত্মাত মাতৰ।
সিদ্ধিত ব্ৰহ্মভূত হুয়া মোক্ষ লভে নৰ॥৩৬২
ছেদিয়ো সংশয় যত মনৰ দ্বৈধক।
সৰ্ব্বদায়ে যোগী চিন্তে প্ৰাণীৰ হিতক॥
সেহি জ্ঞান যোগৰ সাধন কহো যত।
ইন্দ্ৰিয় বিষয় যত এৰিব বাহ্যত॥৩৬৩
