এই পৃষ্ঠাটোৰ বৈধকৰণ হৈছে
জন্ম-ৰহস্য।
শ্ৰীশ্ৰীকৃষ্ণয় নমো নমঃ।
অচ্যুতং কেশবং বিষ্ণু হৰি সত্য জনাৰ্দ্দনম্।
হংস নাৰায়ণং চৈব এতন্নামাং স্তকংসুভং॥
পদ।
জয় জয় কৃষ্ণ পূৰ্ণ ব্ৰহ্ম কলেৱৰ।
জগত কাৰণ দেৱ দেৱ মহেশ্বৰ॥
মৎস্য কুৰ্ম্ম আদি যাৰ অংশ অৱতাৰ।
হেনয় কৃষ্ণক কোটি কোটি নমস্কাৰ॥
যাৰ আজ্ঞা পালে ব্ৰহ্মা বিষ্ণু মহেশ্বৰ।
সৃষ্টিস্থিতি প্ৰলয় কৰন্ত নিৰন্তৰ॥
যাৰ নামে হোৱে মহা পাপীয়ো উদ্ধাৰ।
হেনয় কৃষ্ণক কোটি কোটি নমস্কাৰ॥
