পৃষ্ঠা:শিশু লীলা.djvu/২৪

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
২২
শিশু লীলা।

উঠি উঠি দুয়ো পাৱে ধৰি।
প্ৰণামন্ত মহিমা সুমৰি॥
মুকুন্দক চাই কথমপি।
মাথা দোঁৱাই কৃষ্ণ কৃষ্ণ জপি॥
প্ৰসাদিয়া অনেক ভকতি।
কৰিবে লাগিল ব্ৰহ্মা স্তুতি॥
কৃষ্ণকথা শুনিয়ো সমাজে।
জন্ম লভি ভাৰতৰ মাঝে॥
আক বৃথা কৰা কোন কামে।
সাধিয়ো মুকুতি হৰিনামে॥

ঘোষা॥

ৰাম নিৰঞ্জন নিৰঞ্জন নিৰঞ্জন হৰি।
নমো ৰাম নিৰঞ্জন নিৰঞ্জন হৰি।

নমো গোপৰূপী মেঘ সম শ্যামতনু।
গাৱে পীতবস্ত্ৰ হাতে শিঙ্গা বেত বেণু॥
কৰ্ণত গুঞ্জাৰ থোকা মাথে মৈৰা পাখী।
বন্য পুষ্পমালা পিন্ধি ধেনু আছা ৰাখি॥
এহি শৰীৰতে আছে যতেক মহিমা।
মনেয়ো কৰিবে পাৰে কোনে তাৰ সীমা॥