এই পৃষ্ঠাটোৰ বৈধকৰণ হৈছে
২১
শিশু লীলা।
কেয়ূৰ কঙ্কণে কৰে কান্তি।
হৃদয়ত শ্ৰীবৎসৰ পান্তি॥
কম্বুকণ্ঠ কৌস্তুভে শোভিত।
বনমালা আপাদ লম্বিত॥
জিলিমিলি জ্বলে বক্ষঃস্থলে।
শোভে কৰ্ণ মকৰ কুণ্ডলে॥
শঙ্খ চক্ৰ গদা পদ্ম ধৰি।
আছে সবে চতুৰ্ভুজ হৰি॥
গাৱে গাৱে এক সৃষ্টি কৰে।
চৰাচৰ সমে সেৱা কৰে॥
মোহ হুয়া ব্ৰহ্মা ভৈল চুপ।
দেখন্তে গুচিল সবে ৰূপ॥
পূৰ্ব্বৱতে আছা মাত্ৰ হৰি।
হংসৰ নামিল ব্ৰহ্মা ডৰি॥
যেন সুবৰ্ণৰ দণ্ড প্ৰায়।
ভূমিতে পেলাই নিজ কায়॥
মাধৱৰ পাদ পদ্ম দুই।
চাৰি মুকুট আগে ছুই॥
আনন্দতে নয়নৰ জলে।
সিঞ্চিলন্ত চৰণ কমলে॥
