এই পৃষ্ঠাটোৰ বৈধকৰণ হৈছে
(৮৭)
হৰি ময় দেখে সন্ত ইতো ত্ৰিজগত।
আকে জানি সাৰ কৰি হৰিক লৈলন্ত॥
হৰিসে কেৱলে সঁচা সবে মায়াময়।
এহিমতে শাস্ত্ৰ পঢ়ি গুচালা সংশয়॥৪২৩
তাহ পাছে ঐকান্তিক ভক্তি আচৰিলা।
ভকতিৰ বলে হৰি তান বৈশ্য ভৈলা॥
মহাতেজ ধৰ্ম্ম ভাৰ বাঢ়িল বিস্তৰ।
ভকতি নেৰয় দেখি বশ যে ঈশ্বৰ॥৪২৪
এহিমতে কতো দিন পশ্চিমত ৰৈলা।
তাত পাছে আপোনাৰ গৃহক আসিলা॥
গৃহ আসি পাইলা যেবে মহা সন্তবৰ।
বুদ্ধ ভাবে ৰৈলা সেহি সত্ৰৰ ভিতৰ॥৪২৫
শুনা আত অনন্তৰে যেন কথা ভৈলা।
এক অবতৰি সন্ত তহিকে আসিলা॥
ভূঞাৰ গৃহক আইলা অংশৰূপে হৰি।
যাৰ নাম যশ ৰৈলা ইটো ৰাজ্য ভৰি॥৪২৬
নামত অৰ্জ্জুন দেৱ জগত প্ৰখ্যাত।
যাৰ দিব্য কীৰিতি প্ৰকাশে ই ৰাজ্যত॥
কতো দিন থাকি কিছু ডাঙৰ যে ভৈলা৷
তেজ শক্তি দেখাই পাছে ৰাজ্যত ফুৰিলা॥৪২৭
শুনা সৰ্ব্বজন কথা ভৈলা যেন মত।
এৰা আসি সন্ত সমে লগ যে ভৈলন্ত॥
