এই পৃষ্ঠাটোৰ বৈধকৰণ হৈছে
(১৪)
বৰিষেক থাকি গৃহক আসিবো
চিন্তা নকৰিবা মনে।
অসংখ্যাত পুণ্য তীৰ্থত স্নানিলে
মুক্ত ভক্ত দৰিশণে॥৬৭
মনুষ্য হৈবাৰ এহিমানে সাৰ
ফল জানা স্বৰূপত।
যাগ যোগ তীৰ্থ ব্ৰত দান কৰি
সেৱে হৰি চৰণত।
আতপৰে জানা আন কৰ্ম্ম নাহি
মনুষ্যৰ মুখ্য ধৰ্ম্ম।
লৌকিক আচাৰ কৰবে লগয়
ইসে তীৰ্থ ধৰ্ম্ম কৰ্ম্ম॥৬৮
আত্মাৰূপা এহি ঈশ্বৰ হৰিত
সবাকে অৰ্পণা কৰি।
একবিনে নাই দুতয় ঈশ্বৰ
চিন্তা সেহি দেৱ হৰি
শুনা সৰ্ব্বজন কৰি এক মন
শুনা সেহি কৃষ্ণ কথা।
হৰি ভজি যিটো চিত্ত শুদ্ধ কৰে
তাৰ নাহি অন্যৱথা॥৬৯
আকে অনুমানি বিনে ৰাম বাণী
অমূল্য ৰতন নাই।
