এই পৃষ্ঠাটোৰ বৈধকৰণ হৈছে
দুলড়ী।
শুনা সৰ্ব্বজন কৰি এক মন
পাছে যেন কথা ভৈলা।
এহিমতে তৈতে সিটো বিপ্ৰবৰ
দৰঙ ৰাজ্যত ৰৈলা॥
কত দিন তৈতে থাকি ভূঞাঁ দেৱে
মনে সাৰ কৰিলন্ত।
ভায্যাক সম্বোধি প্ৰতিজ্ঞা কৰিয়া
কৈলা তান ইচ্ছা যত॥৬৫
শুনিয়োক প্ৰিয়া কথা মন দিয়া
মোৰ মনে যিটো ভৈলা।
কৰিলোঁ বিষয় ভোগ মানে যত
এহিমানে সাঙ্গ ভৈলা।
এৰি আন মন বিষয় ভাবনা
পশ্চিমক লাগি যাওঁ।
কত পুণ্যে ইটো নৰতনু পাইলোঁ
গঙ্গা দৰিশণ হওঁ॥ ৬৬
অসংখ্যাত তীৰ্থ আছয় পশ্চিমে
আছে ভক্ত অসংখ্যাত।
সমস্তকে প্ৰাণি চৰণ বন্দিয়া
ফিৰি আসো বছৰত।
২
