এই পৃষ্ঠাটোৰ বৈধকৰণ হৈছে
( ৫ )
অ—যদিহে নোযোৱাঁ বাই বৰ বেয়া পাব।
দেউতাৰ অতপা খঙ কোনেনো গুচাব॥
মা—হেৰ বন্দি খুণ্ডা খোৱা লাজ নাইকিয়া।
মাটিয়েৰে মজা দিম জনা নাইকীয়া॥
অ—নোযোৱাঁ নেযাবা বাই গালি দিছাঁ কিয়।
তুমি ময় সকলোৰে দুঃখ পোৱা জীৱ॥
মা।—মনে মনে গুছি যাগৈ যদি ভালে থাক।
নেফেদাবি ঘনে ঘনে যাব কাণ নাক॥
অ—যোৱাঁ যোৱাঁ বাইদেও গালি নেপাৰিবাঁ।
শালত তৰিলে তাঁত তেতিয়া জানিবা॥
মা—ভেদেলী চকুৱা যাগৈ কিবাল চিঙিবি।
বুঢ়ি মাৰৰ ভৰি ধৰি ভাল কৰি দিবি॥
অভজা থেকেচা খাই মাণিকী মুখত।
আমোলায় পেলালে মুখ নিমাত লাজত॥
মাণিকী বেগাই গ’ল কপাহ বিচাৰি।
যাওঁতে লাহৰী ভৰি হ'ল ওঘা ঠাৰি॥
ধৰাই মই গৈ পালেগৈ এঘৰ।
কপাহ গিৰীয়া ঘৰ একো নাই থৰ॥
যেই হ'ক সেই হক সুধিলে বাতৰি।
“কপাহ আছেনে” বুলি গেন্ গেন্ কৰি॥
নুশুনিলে ভালকৈ এধা কলা গিৰী।
কিবাহে পোনাই কলে “তুমি হবা তিৰী”॥
