পৃষ্ঠা:লীলা.pdf/৮৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
৬৭৭
লীলা ৷
 
মিলন-মহত্ত্ব।

স্বৰ্গ-মৰ্ত্ত্য মিলনৰ
  সাক্ষ্য দিয়ে আকাশে-সাগৰে;
পাতালকো কৰে এক
  চামে চামে মিলন-আকৰে।
             *
সুমেৰু কুমেৰু মিল,
 —মেৰুদণ্ড মূৰপুতি জোঁটা;
বিষুব-বান্ধনী মেৰ,
  ভূমণ্ডল আঁকোৱালি অটা।
              *
উদয় অচল স’তে
  অস্তাচল ধ্ৰুব সম্মিলন;
পীতাম্বৰ পূজাৰিয়ে
  পুৱা সন্ধ্যা কৰে আৱাহন।
             *
পদ্ম-ৰাগ সুৰুযত
 —দিনমান মিলন-পোহৰ;
চন্দ্ৰ-প্ৰভা কুমুদত
 —মিলনৰ হিয়া-সৰোবৰ।