এই পৃষ্ঠাটোৰ বৈধকৰণ হৈছে
সপ্তম সৰ্গ।
পেলাব দূৰত তেল, হুগন্ধী আতৰ,
দাপোন, কাঁকই ফণি, হ’ব উৎসাহিত
নতুন উৎসাহে সৱে, অপূৰ্ব্ব ভাবেৰে
ভৰাই নিজৰ হিয়া ক’ব ৰিঙ্গিয়াই,—
কৰ্ম্মক্ষেত্ৰ তিৰুতাৰ নহয় কেৱল
গৃহস্থালী সংসাৰত, দাসীবৃত্তি মাথোঁ—
নোহে কৰ্ম্ম তিৰুতাৰ তিৰী জনমত,—
অন্তঃপুৰ নোহে মাথোঁ ৰাজ্য তিৰুতাৰ
কিম্বা তাৰ কাৰ্য্য নাৰী জীৱনৰ ব্ৰত॥
যোৱা, দেবি!
আসামৰ প্ৰতি ঘৰে, “পানৰ খোলাত”
পোৰোঁতে “কাণিৰ পান” কাণীয়া সকলে
মুদি মুদি চকু,—যদি শুনে কিবা ৰূপে
তোমাৰ কাহিনী ( এই বীৰত্বৰ কথা )
কাৰো মুখে,——চৰমত মৃতকল্প হই
পেলাব “কাণিৰ হোকা”— “পানৰ সজুলী”
এখন্তেক দূৰলই,—শোওঁতে পাটীত
সপোনত পাব দেখা যুদ্ধ ঘোৰতৰ
১০৯
