এই পৃষ্ঠাটোৰ বৈধকৰণ হৈছে
মূলা গাভৰু।
ল’লে দাঙ্গি হেঙ্গদান্, ল'লে তুৰ্ব্বকেও
তৰোৱাল খনি তুলি,— লাগিল তুমুল
যুদ্ধ মূলা তুৰ্ব্বকৰ। এনে সময়তে
অলক্ষিতে মাৰে শেল মূলাৰ বুকত
এটি পাঠানৰ যোদ্ধা ( কলঙ্ক যোদ্ধাৰ!–
পাঠান-কুলকলঙ্ক!! ) পৰিলে হাউলি
মুলা,—পৰে যেনেকই বলিলে ধুমুহা
ছিন্ন লতা,—নতু, কিম্বা বৃক্ষ কদলীৰ;
কিম্বা, যেনেকই, হায়! তাহানি কালত
কপিৰাজ বালী যৱে সুগ্ৰীৱে সহিতে
যুজিছিলে কিষ্কিন্ধ্যাত, যিৰূপে ৰাঘৱে
( কি অন্যায়!! ) অলক্ষিতে প্ৰহাৰিলে বাণ
বালীলই লক্ষ্য কৰি,—অন্যায় যুদ্ধত
পৰিলে যিৰূপে বালী,—আজিও সিৰূপে
পৰিলে মূলা গাভৰু, আহোম-গৌৰৱ,
মূৰ্ত্তিমতী ৰণদেবী আহোম কুলৰ!!
হাউলি পৰিল মূলা ( আহতা সিংহিনী!)
বুকৰ তেজেৰে ব'লে শোণিতৰ নই
১০০
