এই পৃষ্ঠাটোৰ বৈধকৰণ হৈছে
মূলা গাভৰু।
হুচেন – শুম, সঁচা, সৱে মিলি সমৰ-ক্ষেত্ৰত
আহোমৰ;—নাই কিন্তু জানিবা নিশ্চয়
পাঠানৰ ভাগ্যে, বন্ধু! ই যুদ্ধত জয়॥”
তুৰ্ব্বক—“জয় পৰাজয়, বন্ধু! ইচ্ছা বিধতাৰ,
কি কৰি বুজিবা তুমি? গ'লে স্বদেশত
পলাই সমৰ এৰি, কৰিব জগতে
পাঠান সেনাৰ গ্লানি,— থাকিব মৰ্ত্ত্যত
যাবচ্চন্দ্ৰ দিবাকৰ কলঙ্ক মহত॥
যি থাকে ভাগ্যত হ’ব,—নোৱাৰি মুছিব
কপালৰ লিখা, হায়! বলা সাজা গই
সমৰ সাজেৰে সেনা,—ওলোৱাঁ যুদ্ধত,
যাওঁ আজি পুনু সৱে, পুনু যুজেঁ৷ গই
আহোম সেনাৰে স’তে। নাশিম যুদ্ধত
সি অদ্ভূত নাৰী আজি,—নতুবা মৰিম
নিজেই সি সমৰত, আত্মবলি দিম॥”
৯৪