এই পৃষ্ঠাটোৰ বৈধকৰণ হৈছে
--মুৰলী--
খুজিলে চাবলৈ চন্দ্ৰৰ কিৰণ
চেনেহৰে দৃষ্টি কৰি,
মুদ যায় চকু দেখিবা প্ৰিয়াৰ,
শোকে আহি চেপি ধৰি;
স্থল কমলিনী থাকে আধাফুলি
ঢাকি থলে মেঘে বেলি,
শোকত প্ৰিয়াই থাকে চকুজুৰি
আধা মুদি আধা মেলি।
বান্ধিছে যি খোপা ফুলমালা এৰি
বিৰহ দিনৰ পৰা,
শাপ অন্ত হলে উন্মুক্তিত হব
যি অলক মোৰ দ্বাৰা;
বেণীগুঠা সেই মিহি চুলি তাৰ
গালত ওলমি পৰে,
চন্দ্ৰকলা যেন নখেৰে প্ৰিয়াই
আঁতৰাই বাৰে বাৰে।
৭৯
