পৃষ্ঠা:মূৰলী.djvu/৮৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
--মুৰলী--
 

দেখিবা অথবা ফুল কিটিমান
 গণা এটি এটি কৰি,
জানিবলৈ বাকী বিৰহৰ মাহ
 প্ৰবাসৰ দিন ধৰি;
দেখিবা প্ৰিয়াই কল্পনাত যেন
 সঙ্গসুখ ভোগ কৰে,
পতি বিৰহত ৰমণী জাতিয়ে
 তোষে মন এই দৰে।


দিনৰ দিনটো কাম কৰা গুণে
 নহয় কাতৰ প্ৰিয়া,
কিন্তু নিশা হলে বিৰহৰ শেলে
 বিন্ধে অবিৰত হিয়া;
সেই গুণে মেঘ উজাগৰে থকা
 ৰাতিহে প্ৰিয়াক গই,
কৰিবা হৰিষ জনাই বাতৰি
 খিলিকি মুখত ৰই।

৭৮