এই পৃষ্ঠাটোৰ বৈধকৰণ হৈছে
--মুৰলী--
শুনাহে জলদ প্ৰথমতে তুমি
তোমাৰ পথৰ দিহা,
শুনিবা পিছত খবৰ-বাতৰি
আছে নিবলগা যিবা।
লাগিলে ভাগৰ পৰ্ব্বত টিঙ্গত
জিৰাবা খন্তেক পৰ,
কায় ক্ষীণ হলে কৰিবাহে পান
নিৰ্ম্মল শীতল জল।
উঠিছে চোৱাছো ইন্দ্ৰ ধেনু সেই
বল্মীক স্তূপৰ পৰা,
আছে মানে ৰত্ন সকলোতকৈ
তাৰহে জেউতি চৰা।
পাব শোভা তযু শ্যামবৰ্ণ তনু
তাৰ সংসৰ্গত থাকি,
ম’ৰা পাখি সৈতে শোভে যেনেকই
বিষ্ণু গোপবেশধাৰী।
৬৩
