এই পৃষ্ঠাটোৰ বৈধকৰণ হৈছে
--মুৰলী--
শুনিম অমিয় গীত ভৰত পক্ষীৰ
উৰিব যেতিয়া আহি জগাই নিশাক
লক্ষি বিমানত থাকি ঊষা আগমন
আকউ আহিব নামি গীত গাই গাই
কৰিবহি সম্ভাষণ খিলিকিত মোৰ
সুপ্ৰভাত বুলি কৰি দুখ নিবাৰণ
নিকুঞ্জে ভূমুকি মাৰি দ্ৰাক্ষাৰ মাজেদি।
কুকুৰাই ডাক্ দিব পুৱাতে যেতিয়া
দূৰিব এধাঁৰ ঘোৰ মাতিব ঊষাক,
গহীনাই খোজ ধৰি কুক্কুটী সঙ্গত
আহাৰ বিচাৰি যাব ভঁৰাল মুখত,
চিকাৰীয়ে যাব দলে ফুকাৰি শিঙাক,
নিজঞ্জাল উপত্যকা কৰি নিনাদিত,
চিকাৰী কুকুৰ লই পৰ্ব্বত কাষত
জগাই নিদ্ৰিত ঊষা দূৰি কুহেলিকা।
আনন্দে ফুৰিম নাচি অদৃশ্য স্থানত
দেবদাৰু বৃক্ষতলে পৰ্ব্বত দাঁতিত
৪৭
