এই পৃষ্ঠাটোৰ বৈধকৰণ হৈছে
--মুৰলী--
যথোচিত দণ্ড তাৰ আছে এই ৰীতি,
জানাতো অসম ৰজাৰ তুমি দণ্ড নীতি?
নকৰি অপেক্ষা তুমি ৰজাৰ বিচাৰ,
ৰাজনীতি লঙ্ঘনে দোষী তুমি আৰু বাৰ।
ফুকন—
জাতিত মানুহ মই, নহওঁ অমৰ,
দুখ সুখ নিদ্ৰা ভয় আছে জীৱনৰ;
অনুতাপ পৰিতাপ ঘটে জীৱনত,
হকা-বধা জন্মাবৰ কোনেবা শকত?
ৰাজনীতি অসমত বিহে যি প্ৰকাৰ,
কোষ, দণ্ড, অৰ্থ, নীতি, নানা বিভাগৰ,
ছয় গুণ তিনি শক্তি সিদ্ধ ও উদয়,
জানো মই ৰাজনীতি সকলো নিশ্চয়।
ৰাজ-আজ্ঞা ৰাজনীতি কৰিলে লঙ্ঘন,
অথবা উদ্ধত হলে নকৰি পালন,
চকু কঢ়া পিঙ্গত দিয়া অতি গুৰুতৰ,
জ্ঞানাজ্ঞান আছে মোৰ বিধান দণ্ডৰ।
২৭
