এই পৃষ্ঠাটোৰ বৈধকৰণ হৈছে
--মুৰলী--
ফুকন—
সৰ্গদেউ! কৰ্ত্তব্যাকৰ্ত্তব্য জ্ঞান আছে শৰীৰত,
মতিভ্ৰষ্ট হোৱা অযথা ক্ৰোধত;
অতি মৰমৰ মোৰ মোমাই দেউতা
পূজনীয় তেওঁ মোৰ স্বৰ্গগত পিতা;
সিজনৰ কথা মোৰ পৰিলে মনত।
ফাটি যাব খোজে বুকু শোকৰ বেগত।
নাছিল অকণো তেওঁত কুৰ্চ্ছূট কপট,
মৰমতে পমিছিল দুখীৰ মুখত,
বধিলো এমুৱা মই মোমাই দেউতা,
নাই মোৰ জীৱনত আৰু সাৰ্থকতা।
নৰবধী, গুৰুবধী, মহাপাপী মই,
নাপাম নহব মোৰ নৰকতো ঠাই।
নহয় শোকৰ কাল, ৰজাৰ বিচাৰ—
মাতুল বধৰ যুক্তি দৰ্শোৱা ইবাৰ;
প্ৰাণদণ্ড শাস্তি মাত্ৰ হাতত ৰজাৰ,
জানাতো ক্ষমতা নাই আন বিষয়াৰ?
কেতিয়াবা কোনোজনে অসম ৰাজ্যত,
বধে কাকো যদিও অতীব দোষত,
২৬
