এই পৃষ্ঠাটোৰ বৈধকৰণ হৈছে
॥ মিলন ॥
[৩২]
জ্বলালা কিয়নো সখি প্ৰণয়ৰ তুঁহ জুই
উমি উমি আজি মোৰ
দহিছে পৰাণ,
বাসন্তী পুৱাতে অজি জীৱন মৰহি গ’ল
ধীৰে ধীৰে কলা হ’ল
কুমলীয়া মন।
বলিয়া পৰাণ মোৰ তৃষ্ণাত আতুৰ হ’ল
লৰি গ’ল চাহাৰৰ
তপত বালিত,
ভাগৰি পৰিল হায় মৰীচিকা খেদি খেদি
পানী নাই, জাহ গ’ল
বালিৰ বুকুত।
বসন্ত পাৰ হ’ল শৰৎ অন্ত হল
শেষ হ’ল কত ৰাতি
আৰু কত দিন,
তথাপিও নপৰিল অনন্ত মৰুভূত
এটুপিও আকাশৰ
চেঁচা বৰষুণ।
জীৱনৰ আশা মোৰ জহি পমি শেষ হ’ল
হাবাথুৰি খাই খাই
মৰিলোঁ মিছাই,
নিবাৰণ নকৰিলা পৰাণৰ তৃষ্ণা সখি
অন্তিমত দিবা মোক
চিতাত জ্বলাই।
[ ২৪ ]
33
