এই পৃষ্ঠাটোৰ বৈধকৰণ হৈছে
॥ মিলন ॥
[ ১৬ ]
অযুত আশা বুকুত সাৱটি
যাচিলোঁ তোমাক নিশাৰ আৰতি
পাৰ কৰি কত ধুমুহা বাদল
জ্বলালোঁ প্ৰেমৰ দীপ,
তথাপি তোমাৰ পাষাণ হিয়া
হৈ ৰ’ল অলৰ অচল অটল
এটি বাৰো নুঠিল মৃদু কম্পন
কি যে তুমি দয়াহীন!
সাগৰৰ দৰে অসীম প্ৰেম
সাঁচি থৈ দিছোঁ বুকুত মোৰ,
নিদিওঁ আনক, তোমাৰ পূজাত
ঢালিম সকলোবোৰ।
নিদিব পাৰা তোমাৰ প্ৰণয়
এই অভাগাক বিলাই বিলাই,
মই হ’লে তোমাৰ নেৰিছোঁ পাছ
জীৱন কৰিম ওৰ॥
[ ১৪ ]
23
