এই পৃষ্ঠাটোৰ বৈধকৰণ হৈছে
আহা, সোণ! আহাঁ ঘূৰি।
বছত দূৰৰ নীল গিৰিৰ ওপৰে
নীল সাগৰৰ বগা ফেন পাৰ হই,
সংসাৰ-তিয়াগি-যোৱা মোৰ সোণকনি।
আহাঁহে এবাৰ পুনু ঘুৰি বুকলই॥
যিদিনা তিয়াগি গলা মায়া সংসাৰ,
পুৰি মাৰা-বাপেৰাক জ্বলন্ত চিতাত;
মৰিশালী যেন লাগে গোটেই জগত,
দিনতে এন্ধাৰ ঘৰ, নিজম নিমাত॥
বহুত দূৰৰ নীল গিৰিৰ ওপৰে,
নীল সাগৰৰ বগা ফেন পাৰ হই,
সংসাৰ তিয়াগি যোৱা মোৰ সোণকনি!
আহাঁ সিকাৰণে ঘূৰি পুনু ঘৰলই॥
নিৰ্জ্জীব পৰাণে আজি প’ক পুনু প্ৰাণ;
আহাঁ, সোণ! আহাঁ ঘূৰি,—জুড়াওঁ পৰাণ॥
