এই পৃষ্ঠাটোৰ বৈধকৰণ হৈছে
ইংলণ্ডীয় মহাকবি, কবি চূড়ামণি
চেক্ষপীৰ যিবা চিত্ৰ দৃশ্য-কাব্য-চ্ছলে
দেখালে তোমাৰ, মিৰা! স্নেহময়ী ৰূপ,
তাৰ অনুৰূপ চিত্ৰ আছে কি ভূতলে?
প্ৰস্পেৰো, (তোমাৰ পিতা) যাদু-বিদ্যা-বলে।
প্ৰচণ্ড ধুমুহা আনি সমুদ্ৰ–গৰ্ভত
তুলিলে যেতিয়া ঢউ মহা ভয়ঙ্কৰ
লাগিলে কোঢ়াল তাৰ এখনি নাৱত॥
কেচুৱাৰে পৰা, মিৰা! উঠিলা অকলে,
পিতাৰাত বাজে, দেখা নাই সপোনত
মানৱ জাতিৰ ছবি, স্বজাতিৰ প্ৰেম
কি যে বস্তু, কেনেকুৱা নাপালা ভাগ্যত॥
পৰ-দুখে-দুখী কিন্তু তোমাৰ পৰাণ,
পৰৰ বিপদ ভাবি কান্দিছিলে প্ৰাণ॥
