এই পৃষ্ঠাটোৰ বৈধকৰণ হৈছে
কোনে আঁকি থই গ’ল সৌৱা দুৱাৰত
সুন্দৰী ৰমণী মূৰ্ত্তি মুনি-মনোহৰ?
কি নাম তেঁওৰ? তেঁও চিত্ৰকৰ কেনে
আঁকিলে যি ছবি খনি এনুৱা সুন্দৰ?
পোহৰে যি ৰূপে ফুলি অকলে অকলে
ফুলনিত ফুলি থকা গোলাপৰ পাহি,
পোহৰিছে দেখো তেনে ঘৰটি গোটেই
ছবিটিয়ে হাঁহি হাঁহি মিচিকিয়া হাঁহি॥
কিবা ৰূপ, কিবা মুখ, কিবা চকুদুটি,
যত চাওঁ, বাঢ়ে তত দাৰুণ হেপাহ;
চাওঁ বুলি ছবি খনি গলো কাষলই
ধীৰে ধীৰে; হলো কিন্তু আশাত নিৰাশ!!
মোহিনী ছবিটি সেই গ’ল আঁৰলই;
জানিলো, জীয়ন্ত মূৰ্ত্তি, নোহে চিত্ৰপট॥
