পৃষ্ঠা:মহীৰাৱণ বধ.djvu/২৯

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
(২৭)

মোৰ সমীপত আনি  খড়্গ খান থৈয়ো জানি
 পাওঁ হাত মেলিয়া আপোনে।
হেন শুনি মৈৰাৱণে  সবে মানি লৈলমনে
 খড়্গ আনি থৈলা তেতিক্ষণ॥ ১৪৩॥
অধোমুখে বাৰম্বাৰ।  কৰিলন্ত নমস্কাৰ
 থাকিলন্ত অধোমুখ হই।
হনুমন্তে বোলে আবে  প্ৰভু কাৰ্য্য সাধোঁ তেবে
 সুমৰিলা ৰাম পদদুই॥ ১৪৪॥
লক্ষ্মণক সুমৰিয়া  বায়, বাপ অঞ্জনাক
 সুমৰিয়া খড়্গ হাতে লৈলা৷
নৃপতিৰ যত আয়ু  আছিলেক চিত্ৰগুপ্তে
 একেবাৰে পত্ৰ মাজিথৈলা॥ ১৪৫॥
পুনৰপি দেবীচণ্ডী   হনুমন্তৰূপে উঠি
 দৃঢ় কৰি প্ৰহাৰ কৰিলা।
সেহিঘাৱে শিৰূতাৰ  চিণ্ডি গৈল অনিৰ্ব্বাৰ
 কতো দূৰে উফৰি পৰিল॥ ১৪৬॥

পদ।

সাধু সাধু প্ৰশংসা কৰিলা দেৱগণ।
মৈৰাৱণ দুৰাচাৰ গৈল যম স্থান॥
হনুমন্ত মহাবীৰ পৱন নন্দন।
ৰাম লক্ষ্মণক লৈই কৰিলা গমন॥ ১৪৭