এই পৃষ্ঠাটোৰ বৈধকৰণ হৈছে
(৯)
মহিলা কীৰ্ত্তন।
কাকুতি
(১)
আমি যত জীৱ তোলাৰ পালন, হৰি হৰি হৰি হৰি এ,
তুমি সে পালিয়া ফুৰা হুহা অন্তৰ্য্যামী।
আবে যেবে নিজ ভৃত্য বুলি পালা, হৰি হৰি হৰি হৰি এ,
তেবেসে কৃপাল কৃত্য কৃত্য হও আমি ॥১
তুমি যাক পালা সিয়ো জন আমি, হৰি হৰি হৰি হৰি এ,
সংসাৰ নিকাৰ ভুঞ্জিয়া ফুৰো বহুত ।
তোমাৰ অধীন হুয়া কেনে আমি, হৰি হৰি হৰি হৰি এ,
ভৈলোহো স্বতন্ত্র ইটো কিনো অদভূত ॥২
তোমাক পৰম ঈশ্বৰ নমানি, হৰি হৰি হৰি হৰি এ
মতা অহঙ্কাৰে দ্ৰোহ আছৰিলো আমি।
আবে তযু পদে শৰণ পশিলো, হৰি হৰি হৰি হৰি এ
মই দ্রোহীয়াৰ দোষ ক্ষমা কৰা স্বামী ॥৩
(২)
দাস হৈয়া তযু সেৱা নকৰিলো, হৰি হৰি হৰি হৰি এ,
ইটো ঘোৰ অপৰাধৰ চিকিৎসা নাই।
তুমি পনু প্ৰভু সহজে কৃপালু, হৰি হৰি হৰি হৰি এ,
শৰণে পশিলে ক্ষনিবে প্ৰভু যুৱাই ॥১
মই অজ্ঞানীৰ যতেক অজ্ঞান, হৰি হৰি হৰি হৰি এ,
কথা কহি কোনে সীমা কৰিবেক তাক ।
