এই পৃষ্ঠাটোৰ বৈধকৰণ হৈছে
৫৪
মণিকুট৷
যাতে ভক্তিভাৱে দিয়ে যত দ্ৰব্যচয়।
তাৰ ফলে সিটো পাছে মুকুতি লভয়॥
ইসব মহিমা এবে এহিমানে থওঁ।
নোযোৱা জনৰ কথা শুনা এবে কওঁ॥২১৭
আপুনি নযাই যিটো আনকো বান্ধয়।
লোকতো কৰিয়া কিছু বিত্ত নেদিয়য়॥
কি কৰিবা গৈ কিটো বা দেখিবা।
জড় মাধৱৰ পাশে কি ফল লভিবা॥২১৮
এনে বাক্য বোলে যিটো পাপী দুৰাচাৰ।
জিহ্বা কাটি বিষ্টামূত্ৰে পেলাইবেক তাৰ॥
নাচাৱে হৰিৰ ৰূপ চক্ষুয়ে যাহাৰ।
যমদূতে ধৰি চক্ষু কাঢ়িবেক তাৰ॥২১৯
যাৰ মাথে মাধৱক নকৰে প্ৰণত।
শিৰ কাটি পেলাৱয় উৎসৃষ্ট গৰ্ত্তত॥
নানা শাস্তি কৰে যমদূতে এইবুলি।
মাধৱ প্ৰভুক তই মান্য নকৰিলি॥২২০
শুনা সভাসদ মই কৰিছো কাকুতি।
আগম শাস্ত্ৰৰ জানা এই সে যুগুতি॥
এতেকেসে তোৰা সবে শুনিবা সদাই।
মাধৱত পৰে আউৰ আন গতি নাই॥২২১
