এই পৃষ্ঠাটোৰ বৈধকৰণ হৈছে
পঞ্চতীৰ্থখণ্ড।
———
ঘোষা॥
ৰাম নাৰায়ণ কৃষ্ণ মাধৱ গোবিন্দ৷
অন্তকে ধৰিছে কেশে নাথ অৰবিন্দ॥
পদ॥
আৰু এক কথা কহোঁ শুনা আত পৰে।
থাকয় ভিখাৰী খাট শৰীৰ কাষৰে॥
দুই শাৰী হুয়া থাকে দেখিবাক ভাল।
কানি পাৰি থোৱে, কতো পাতি থাকে থাল॥২০৪
নামিব খোজন্তে পাছে সবে গেৰি পাৰি।
ৰিঙ্গাৰৱ কৰি খোজে অনেক ভিখাৰী॥
কতোজনে দেই কিছু কতো বোলে নাই।
দিব নোৱাৰিয়ে কতো লৱৰি পলাই॥২০৫
মোক দিয়া বুলি মাগে, হাতে বস্ত্ৰ ধৰি।
নপাইলোঁ বুলিয়া খোজে কাওঁ বাওঁ কৰি॥
খেদি আসি ধৰে কতো কৰি আতি চটি।
সামান্য জনক ধৰি কৰে লটি ঘটি॥২০৬
