এই পৃষ্ঠাটোৰ বৈধকৰণ হৈছে
২০
মণিকুট।
বেলপত্ৰ দিয়া, কৃষ্ণক পূজিয়া,
যি গতি পাৱে পাৰ্ব্বতি।
পৰম সাদৰে, সিসবে পূজিয়া,
হাততে পাৱে মুকুতি॥
ধাতৃ-ফল পত্ৰ, কৰিয়া একত্ৰ,
বৈশাখত পূজা কৰি।
দশ অশ্বমেধ, যজ্ঞৰ ফলক,
পাৱয় সিটো সুন্দৰী॥৭৭
শ্বেত, ৰক্ত কৰ– বীৰ পুষ্প দিয়া,
হৰিক অৰ্চ্চা কৰয়।
চতুৰ্যুগ মান, জানিবা পাৰ্ব্বতি!
মাধৱ সন্তোষ হয়॥
আম, জাম, তৰু– কোমল পত্ৰক,
আনিয়া একত্ৰ কৰি।
আনো পত্ৰ, ফল, আনিয়া সকল,
পৃজিবেক মহা হৰি॥৭৮
শুনা সভাসদ, তন্ত্ৰৰ মাহাত্ম্য,
পৰম গুহ্য সম্প্ৰতি।
যাক শুনি নৰে, সংসাৰ নিস্তাৰে,
পাৱয় বৈকুণ্ঠ-গতি॥
