পৃষ্ঠা:মণিকুট.djvu/৩৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১৯
সাধনখণ্ড।

তুলসী, মালতী,  ধাতৃত, কেতেকী,
 আৰু নাগেশ্বৰ যুতি।
কাৰ্ত্তিক মাসত, ইসব পুষ্পৰ,
 মালাক দিব সম্প্ৰতি॥৭৪
কতো পাট সূত্ৰে,  কতো আঁৱা সূত্ৰে,
 গাথি পুষ্প কৰবীৰ।
যিটে পূজা কৰে,  মাধৱৰ পাৱে,
 হোৱয় পুণ্য শৰীৰ॥
সিটো পুৰুষক,  দেখিবা মাত্ৰকে,
 নৰকাগ্নি নষ্ট হয়।
শুনিয়ো পাৰ্ব্বতি!  সিটো পুৰুষক,
 অঞ্জলি ইন্দ্ৰে কৰয়॥৭৫
কাৰ্ত্তিক মাসত,  ৰক্ত কৰবীৰে,
 পূজা কৰে ভক্তি ভাৱে।
তাৰ ফলে সৰ্ব্বে,  পাপ নষ্ট কৰি,
 কেশৱ চৰণ পাৱে॥
বৈশাখ, কাৰ্ত্তিক,   উভয় মাসত,
 অৰ্চ্চা কৰে যিটো জনে।
অশ্বমেধ যজ্ঞ, কৰিবাৰ ফল,
 পাৱয় সিটো তেখনে॥৭৬