এই পৃষ্ঠাটোৰ বৈধকৰণ হৈছে
মঞ্জৰী
(৫)
(১২)
প্ৰেমৰ মাধুৰী ভৰা নানা নৃত্য জিনি
উঠিছিলে কিযে এটি মনোমোহা তান;
দেৱীনে, মানৱী কিম্বা সুৰ বালা, মায়াবিনী
গান গাই কৰিছিলে বিয়াকুল প্ৰাণ?
(১৩)
চন্দ্ৰাৱলী শৰতৰ জোনালী সোঁতত
প্ৰেমৰ পাষাণ ছবি দিম উটুৱাই;
থাকিব অৰূপ ৰূপে বসুধা বুকুত ভাহি
চিৰকাল অৰূপত মাধুৰী বিলাই।
(১৪)
সেইদিনা যৌৱনৰ নিজান তীৰত
ভাবিছিলো বিৰহৰ সুখ-গীতি গাই;
জীৱন জলধি ফালি কিদৰে সিপাৰ হম
প্ৰেমৰ চেঙেলী নাওঁ অকলে উজাই!
