এই পৃষ্ঠাটোৰ বৈধকৰণ হৈছে
[ ২৪ ]
দ্বিতীয় দৰ্শন।
⸻
ৰাজআলি।
⸻
কামপুৰীয়া নিৰঞ্জনৰ প্ৰবেশ।
কা, নিৰ—কলিমনৰ হাতত দিয়া টকা অতিথি-থকা ঘৰত দেখোন ভালকৈ থলেগৈ। লগুৱাটো বৰ হুচিয়াৰ, মোক বিচাৰি ঘূৰি ফুৰিছে। মোৰ বোধেৰে আৰু অতিথি- থকা ঘৰৰ গৰাকীয়ে কোৱামতেও মই তাক বজাৰৰ পৰা পঠিয়াবৰ পাচত লগ পাব নালাগিছিল। অ, সৌৱা সি আহিছেই।
কামপুৰীয়া কলিমনৰ প্ৰবেশ।
কি? তোৰ ধেমালী গলনে? কিল খাব লাগে যদি আকৌ মোৰে সৈতে চুপতি কৰ। তই অতিথি-থকা ঘৰ কত নাজান? তই টকা পোৱা নাই? তোক আইয়েৰে মোক ভাত খাবলৈ মাতি নিবলৈ পঠাইছিল? মোৰ ঘৰ ভেলেউগুৰিত? তই বলিয়া হৈছিলিনে কি, তই যে এনেবোৰ কথা কৈছিলি?
