উদ্দেশ্যে ‘ধৰ্ম্ম মহামাত্র' নামে একশ্ৰেণীৰ নতুন ৰাজকৰ্ম্মচাৰী
নিযুক্ত কৰিলে। অশোকে অকল ৰাজকৰ্ম্মচাৰী আৰু প্ৰচাৰক
সকলৰ ওপৰতে নিৰ্ভৰ নকৰি নিজেও ধৰ্ম্মপ্ৰচাৰৰ কাৰণে ৰাজ্য
পৰিভ্ৰমণ কৰিছিল৷ তেওঁ বুদ্ধদেৱৰ জন্মস্থান আৰু বৌদ্ধ সকলৰ
পবিত্ৰ ঠাইবিলাক পৰিদৰ্শন কৰিছিল।
অশোকৰ দিনত বৌদ্ধ ধৰ্ম্ম চাৰিওপিনে প্ৰচাৰ হয়। ভাৰতৰ বাহিৰেও বেক্ট্ৰীয়া, ইজিপ্ত, মেচিডন, ব্রহ্মদেশ, দক্ষিণ চীনত বৌদ্ধ ধৰ্ম্ম প্ৰচাৰ হৈছিল ৷ তেওঁ ধৰ্ম্মৰ সজ উপদেশবিলাক শিলৰ খুঁটাত, পর্ব্বতৰ গুহাত আৰু ডাঙৰ শিলত লিখাই প্ৰচাৰ কৰিছিল৷ সকলোৱে বুজিব পৰাকৈ তেওঁ ধৰ্ম্মলিপিখিনি দেশীয় ভাষাত লিখাইছিল ।
ইয়াৰ বাহিৰেও প্ৰজাৰ হকে তেওঁ অনেক সজ কাম কৰিছিল । পানীৰ অভাৱ গুচাবলৈ তেওঁ ঠায়ে ঠায়ে নাদ, ভাগৰুৱা পথিক আৰু পশুৰ ভাগৰ পলুৱাবলৈ বুলি আলিৰ দুয়ো কাষে লাগনী গছ ৰোৱাই দিছিল । মানুহ আৰু পশুৰ বাবে তেওঁ চিকিৎসালয় পতাই দিছিল। আলহী থাকিবৰ সুবিধাৰ অৰ্থে আলহী ঘৰ আৰু তেওঁলোকৰ খোৱা-বোৱাৰ দিহা কৰা হৈছিল। শিক্ষা প্ৰচাৰাৰ্থে বিদ্যালয়ে পতা হৈছিল।
বৌদ্ধ মহামেল :— তেওঁৰ দিনতে তৃতীয় বৌদ্ধ মহামেল হয়। এই মেলত বৌদ্ধ গ্রন্থবিলাকত থক৷ উপদেশখিনি পুনৰ আলোচনা কৰি প্ৰজাক তাৰ সাৰ ভাগ বুজাই দিয়া হৈছিল ৷ ইয়াৰ আগতে আৰু দুখনো বৌদ্ধ মহামেল হৈছিল।
