পৃষ্ঠা:ভাউৰা পুৰাণ.djvu/১৭

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে
১৫
ভাউৰা পুৰাণ

৫। দেই যদি নেদ্‌বি, নেদে যদি দিবি॥

৬। লাগ্‌‌লি নাল্‌গেই নাল্‌গিলি লাগেই॥

৭৷ তিনি অক্ষৰে পক্ষীৰ নাম।
 মাজৰটো মুচিলে বধে ৰাম॥
 সোঁহাতৰটো মুচিলে সকলোৱে খাই।
 বাওঁ হাতৰটো মুচিলে নেৰতে পাই॥

৮। সত্য কালত মূৰত টুপী।
 কৃষ্ণা বতৰত ভুলালা গোপী॥
 ৰাৱণ মৰিল ৰামৰ হাতত।
 সেই ব্যঞ্জন আমাৰ পাতত॥

৯৷ তিনি মহীয়া তিৰিটোৰ ছয় মহীয়া পেট।
 সেই পেট নি গোসাইৰ আগত ভেট॥

১০। নাম ললে হোৱে পাপ মেৰুৰ সমান।
 ভকতে নে লোৱে নাম ইহাৰ কাৰণ॥

১১। বামুণক মাৰিবা  কপিলীক বধিবা,
 অতিথিক নেদিবা ঠাই।
 ভাল ভাল মহন্তক, মূৰত কোবাই মাৰিবা
 তেবেসে ভকতি পাই॥