এই পৃষ্ঠাটোৰ বৈধকৰণ হৈছে
২০৪
ভক্তি-ৰত্নাৱলী
দেৱাসুৰ নৰ যক্ষ গন্ধৰ্ব্ব যতেক।
মুকুন্দ চৰণ যিটো ভজয় প্ৰত্যেক॥
হৈবেক সবাৰো মহা পৰম কল্যাণ।
মই যেন স্বাস্থ্যৱন্ত ভৈলো বিদ্যমান॥৯৫৩॥
ইহ পৰ লোকে তাৰ মিলিবে মঙ্গল।
লৈয়ো তোৰাসবে মোত প্ৰমাণ সকল॥
প্ৰহ্লাদ বচন থৈলো সংহৰি তাৱত।
ইহলোকে কল্যাণ মিলয় যেনমত॥৯৫৪॥
দেখাওঁ সাক্ষাতে লক্ষ্মীদেৱীৰ বাক্যত।
বোলন্ত সাদৰে দেৱী কৃষ্ণৰ আগত॥
ব্ৰহ্মা হৰ আদি কৰি যত দেৱ চয়।
ইন্দ্ৰিয় সুখত আশা কতি অতিশয়॥৯৫৫॥
মোহোৰ নিমিত্তে তপ কৰয় দুৰ্ঘোৰ।
তথাপি কটাক্ষ বিলাসত শ্ৰীক মোৰ॥
তযু পদ পৰায়ণ বিনে যত দেৱ।
কদাচিতো ঐশ্চৰ্য্য নপাৱন্ত কেৱ॥৯৫৬॥
যিহেতু তোমাত মন মজিল আমাৰ।
তুমি বিনে আনক নজানো মই আৰ॥
তযু পৰতন্ত্ৰ যাতো ভৈলো নাৰায়ণ।
তোমাৰ ভক্তক মাত্ৰ কৰো বিলোকন॥৯৫৭॥
এহিমানে থৈলো লক্ষ্মীদেৱীৰ উত্তৰ।
পৰলোকে যিমত কুশল ভকতৰ॥
