এই পৃষ্ঠাটোৰ বৈধকৰণ হৈছে
১১২
ভক্তি-ৰত্নাৱলী
দুইৰো মাজত একে তাৰিবে সমৰ্থ।
কহো এবে সংহৰিয়া প্ৰকৰণ অৰ্থ॥৫৩৩॥
মনোহৰ যতেক চৰিত্ৰ গোবিন্দৰ।
সম্পুৰ্ণ আনন্দ ৰসে পৰম সুন্দৰ।
শ্ৰৱণ কীৰ্ত্তন আক কৰে যিটো নিত্য।
নাহিকে সংশয় সিটো ভৈল কৃতকৃত্য॥৫৩৪॥
এহিমানে ইটো বিৰচন সমাপতি।
ৰচিল মাধৱ মহা দীন হীন মতি॥
শুনা সভাসদ সাধু জন স্থিৰ মনে।
লভিবা পৰম পদ শ্ৰৱণ কীৰ্ত্তনে॥৫৩৫॥
মনুষ্যৰ শ্ৰেষ্ঠ ধৰ্ম্ম এহি মানে মাত্ৰ।
দেখিয়ো বিচাৰি মহা ভাগৱত-শাস্ত্ৰ॥
কলিত নাহিকে গতি বিনে হৰিনাম।
জানিয়া আলস্য ত্যজি বোলা ৰাম ৰাম॥৫৩৬॥
