এই পৃষ্ঠাটোৰ বৈধকৰণ হৈছে
৪২
বৈষ্ণৱী কীৰ্ত্তন।
ভগৱন্ত ভজিয়া জনম বাহুৰাৱে।
আন যত সবে মিছ ভক্তিৰ অভাৱে॥
জানিয়া ভজিয়ো ভাই ভগৱন্ত পাৱে।
এহু ৰস মাধৱ মূৰুখমতি গাৱে॥
⸻
ন-ঘোষা।
দৈৱকীনন্দন দেৱ মোত পৰে নাই কেৱ
পৰম পাতকী সংসাৰত।
শৰণে পশিলো আমি চৰণে ৰাখিয় স্বামী
থৈয়ো নিজ ভৃত্যৰ সঙ্গত॥
তযু ভকতৰ সঙ্গে গাইব গুণ মহা ৰঙ্গে
শ্ৰৱণে শুনিবো যশ যত।
হৃদয়ত ধৰো ৰূপ তেবে তৰো ভৱকূপ
এহিমানে মাগো চৰণত॥
হে বন্ধু কৃষ্ণদেৱ মোত পৰে নাহি কেৱ
আউৰ পৰম মন্দমতি।
তুমি হেন প্ৰভু পাই তযু পাৱে ৰতি নাই
মই পাপী গৈলো অধোগতি॥
