এই পৃষ্ঠাটোৰ বৈধকৰণ হৈছে
অষ্টাক্ষৰ মহামন্ত্ৰ ভঞ্জন
⸻০⸻
ঘোষা—
“ওঁ নমো নাৰায়ণায়” সৰ্ব্ব মন্ত্ৰ সাৰ।
জানিয়া শৰণ ৰলে, কৰিয়ো উদ্ধাৰ॥৮
পদ-
ওঁ ঙ্কাৰ শৱদ ব্ৰহ্ম কৈলে উচ্চাৰণ।
আশকতি শূন্য কৰে ধ্বনি যত মান॥
দহয় যতেক পাপ মায়াক বিনাশি।
সিকাৰণে ৰাখা প্ৰভু মহিমা প্ৰকাশি॥৫৯
ন বোলে নাহিকে মোৰ একোৱে সুকৃতি।
সদয় হোৱাহা প্ৰভু পতিতৰ প্ৰতি॥
নবঞ্চিবা দীন-নাথ পতিত আতুৰে।
চৰণে শৰণ ললোঁ তোমাৰ গোচৰে॥৬০
মো বোলে মোহৰ জালে মায়াই বান্ধিছে।
নাপাওঁ একোৱে সন্ধি পিঞ্জৰে ৰাখিছে॥
মোহ-জাল ছেদিবাৰ ভুমিসে কটাৰী।
শৰণ লৈলোঁহো প্ৰভু নিয়াহা উদ্ধাৰি॥৬১
