এই পৃষ্ঠাটোৰ বৈধকৰণ হৈছে
দ্বাদশাক্ষৰ ভঞ্জন স্তোত্ৰ।
⸻০⸻
ঘোষা
“ওঁ নমো ভগৱতে বাসুদেৱায়” এহি মন্ত্ৰ সাৰ।
মায়াৰ সাগৰে মজোঁ কৰাহা উদ্ধাৰ॥৭
পদ
ওঁবোলয় ৰাগাজীৰ্ণে জৰ্জ্জৰিত মোক।
কামনা নিদ্ৰাৰ হন্তে প্ৰভু উদ্ধাৰোক॥
ন বোলয় তযু বিনে নাই প্ৰভু গতি।
পাপত মগন মই নিস্তাৰা সম্প্ৰতি॥৪৮
মো বোলয় পুত্ৰদ্বাৰা মোহে গৃহাদিৰ।
মই তৃষিতক ৰক্ষা কৰা যদুবীৰ।
ভ বোলয় ভক্তি-হীন দীন-দৰিদ্ৰক।
অনাথ বুলিয়া মোক প্ৰভু উদ্ধাৰোক॥৪৯
গ বোলয় গতায়াতে শান্ত ভৈলোঁ অতি।
পুনৰাগমন যেন নোহে যদুপতি॥
ব বোলয় বহুযোনি ভ্ৰমিলোহোঁ মই।
গৰ্ভবাস দুখ হন্তে পাপ কৰা ক্ষয়॥৫০
