পৃষ্ঠা:বৈষ্ণব-ৰত্ন কীৰ্ত্তন.djvu/১৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
[ ৮ ]
 

ঘোষা

কৃষ্ণেসে জীৱন, কৃষ্ণেসে প্ৰাণ।
কৃষ্ণ বিনে নাই বান্ধৱ আন॥৪

পদ।

ব্ৰহ্মাৰ মানস পুত্ৰ না তপোধন।
যেহি মতে স্তব কৰে শুনা দিয়া মন॥
হৃদয়ৰ অধিষ্ঠাতা হৰি-জ্ঞান যাৰ।
অনুক্ষণে জয়-শুভ লাভ হয় তাৰ॥২৭
গান্ধাৰী দেৱীৰ স্তব শুনা যেহি মত।
যি সকল দৈত্য হয় হৰি-চক্ৰে হত॥
কিমত আশ্চৰ্য্য ফল, দেখা সব নৰে।
হৰিৰ আলয়ে সবে যাই বাস কৰে॥২৮
যি হেতু দেৱৰ ক্ৰোধ বৰৰ সমান।
সি কাৰণে মুক্ত হয়, যাৰ যি সাধন॥
দ্ৰোণ-পুত্ৰ অশ্বত্থামা সৰ্ব্বলোকে জানে।
যিমতে কৰিলে স্তুতি শুনা সাৱধানে॥২৯
ৰত্নসাৰ নৰদেহ জম্বুদীপে পাই।
কৃষ্ণৰ ভজনা কৰা নিশ্চিত যুৱায়॥
যি হেতু পাপক নাশে হে বৈদ্য নাই।
কৃষ্ণেসে পৰম বৈদ্য জানিছোঁ নিশ্চয়॥ ৩০