পৃষ্ঠা:বৈদেহী-বিচ্ছেদ.djvu/৯১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৮৫
বৈদেহী-বিচ্ছেদ

নৰ্কৰ উপমা,
এনে নৰ্ক ভোগ
নালাগে মোক।
কৰাঁ অনুগ্ৰহ,
চিতাত আগ্ৰহ
প্ৰদৰ্শাবা আজি,
অসীম ভোক।

(ৰামৰ মৃত দেহ চিতাৰ দাঁতিত থৈ)


প্ৰাণনাথ!
অশ্বমেধ যজ্ঞ আজি ৰণ ক্ষেত্ৰ মাজে।
পাপিনীক নকৰিব বিণ?
হতাশনে বিসৰ্জ্জন
দিওঁ আজি প্ৰাণ,
বুকে বান্ধি শ্ৰীচৰণ,
(চিতা প্ৰদক্ষিণ)
১। ৰাম বাজে জানকীৰ আন গুৰু নাই,
সপোনে সচিতে সদা ৰামকে ধিয়াই,
যদি সঁচা শ্ৰীৰামেই সীতাৰ ঈশ্বৰ,
সন্নিহিত হোৱা যজ্ঞে নমো যজ্ঞেশ্বৰ।
২৷ শয়নে ভোজনে ৰাম, উঠোঁতে বহোঁতে
খাওঁতে শোওঁতে ৰাম, উপাসা কৰোঁতে
ৰাম গতি, ৰাম মুক্তি, ৰাম চৰাচৰ,
সন্নিহিত হোৱাঁ যজ্ঞে, নমো যজ্ঞেশ্বৰ।